Skip to main content

Posts

Showing posts from January 12, 2011

गणतन्त्रसँग सँगसँगै रहँदा....................................

 (पाँचौ वार्षिकउत्सवको  सन्दर्भमा) देविका घर्तीमगर गणतन्त्र राष्ट्रिय दैनिक तेस्रो वर्ष पुरा गरी चौथो वर्ष प्रवेश गरेको छ । संयोगले गणतन्त्र दैनिकको तेस्रो वार्षिकोत्सव मनाइरहँदा पत्रिकामा मैले पनि यस दैनिकसंगको सामिप्यमा रहने अवसर प्राप्त गरेको छु । यसलाई मैले मेरो सौभाग्यको रुपमा बुझेको छु । गणतन्त्र दैनिकसंग निकट रहेर काम गर्ने अवसर पाएको हुनाले मेरो सवालमा भन्नुपर्दा यस पत्रिकासंग निकै निकटको सम्बन्ध रहेको महसुस गरेको छु । दाङमा रहेर मैले पत्रकारिताको सुरुवात गर्दा गणतन्त्र दैनिकको स्थापना भइसकेको थिएन । २०६४ पुष १६ गतेमात्र यस दैनिकको स्थापना भयो । सुचनापत्र साप्ताहिक तथा गोरक्ष दैनिकमा सामान्य रुपमा समाचार लेख्न सिकिरहँदा गणतन्त्र दैनिकको स्थापना भयो । जिल्लामा महिला पत्रकारहरुको फिल्डमा कुद्ने महिलाहरुमा तुलनात्मक रुपमा संख्या कम भएको अवस्थामा तुलसीराम सुवेदी उदय विसीलगायका हामी केही साथीहरु गणतन्त्र दैनिकमा प्रवेश गरेका थियौं ।