Skip to main content

Posts

Showing posts from January 7, 2016

समय कति छिट्टै बित्दो रैछ !

देविका घर्ती मगरउमेर बढ्दै जाँदा । एउटा निश्चिम उमेरमा । कुनै क्षेत्रप्रति आकर्षण हुनु स्वभाविक विषय हो । त्यही उमेरकै कारण भनौं अथवा के भनौं । समयले पत्रकारितामा डोर्याएर ल्यायो । पत्रकारितामा प्रवेश गर्नेहरु सबैका आआफ्नै कथा छन् । मेरो पनि त्यस्तै कथा छ । सबैलाई आफ्नो कथा फरक लाग्दो हो । मलाई पनि लाग्छ । आफ्नै भएर हुनसक्छ । अरुभन्दा पृथक छ कि जस्तो पनि नलागेको होइन । खैर, जसरी भए पनि यो पवित्र पेशा पत्रकारितामा आइयो । यो पेशा आफैमा अत्यन्तै पवित्र पेशा हो । म यो पेशामा आउन पाए । यसले नै मेरो पहिचान बनाइदियो । यसअर्थमा पत्रकारिताप्रति आभारी छु । यो भन्दा फरक पेशामा हुन्थँे वा केही पनि गर्दैनथँे भने, मेरो अस्तित्व नै हुने थिएन सायद् । म कुनै ठाउँमा, मेरो गाउँ सुपैलाखुटीमै गुमनाम हुनेथिएँ हुँला ।